الأبراج اليومية

حظك اليوم الأحد 06 ديسمبر 2020 مع الفلكي العالمي محسن عيفة

الحمل

مهنياً:العشرية الاولى مضغوط ومشغول والثانية امور صحية وعائلية والثالثة امورك افضل .. الحظ بعدو معك بنهارك لهيك بدي منك تخلص شغلك واجباتك علاقات وناس كتيرة حاول تواكب تطورات وتنمي قدراتك يوم في مال من شغلك وبيشغلك وضع اطفالك .. بعد ضهر مضغوط ومسؤوليات جديدة وقصص عائلية بدك تخلصا وما عم تلحق وقصة صحية لمقرب بتشغلك .. استغل يومك بأجواء حلوة وسهرة مميزة واتصال مهم ..
عاطفياً:الاجواء داعمة بنهارك ولا تأجل شي للمسا لان الامور بتمشي متل مابدك بالنهار وبتكون مميز وساحر وتواصل واتصالات ولقاء حلو .. في نق وحكي وطلبات روق وهدي بعد ضهر وخلي الامور تتوضح قدامك وأنتبه من سوء تفاهم المسا يوتر الوضع ولا دخل الامور بعضها حاول تطلع من الماضي لو كان مشتاق لحكى …؟؟
صحياً:تغيرات بتعملا على صعيد صحي وموسوس هالفترة بتشغلك صحة مقرب او حدا بالعيلة 

الثور


مهنياً:العشرية الاولى والثانية طاقة وحظ ومال والثالثة قصص عائلية .. بعدك مضغوط بنهارك ومابتعرف القصص من وين بتطلع هدي وركز وانتبه من سوء تفاهم عائلي .. بعد ضهر طاقتك بترجعلك والحظ معك في مال بيومك واتفاق قيد الدراسة ..تدريجي بتتحسن امور شغل او تسوية وتحسن بعض العلاقات بشكل مفاجئ .. اجواء حلوة وسهرة واتصال وخبر حلو وقصة اطفال للبعض ..
عاطفياً:لا تعقد الامور بنهارك وبعد ضهر بتبلش حظوظك العاطفية .. جاذبية وسحر خاص وعود وتطور بالعلاقات واجواء ايجابية وفرصة ليرجعلك شخص .. تواصل مع شخص غالي وتطورات رومنسية في طريقها اليك وعم تنشط على مواقع تواصل وتعارف وتطور بالعلاقات .. واذا خالي من الحب اعجاب بيومك وتواصل لوقت طويل ..
صحياً:ابتعد عن الاجواء الصاخبة وضجيج علوش حاول لا تخلي تشائم والاحباط يأثر عليك .

الجوزاء


مهنياً:العشرية الأولى والثانية امور عائلية وعقار والثالثة تنقلات واتصالات وبيع وشراء وسفرة قصيرة.. عم تشغلك امور عائلية وضمن بيتك وشي طارئ حاول تهدي بنقاشاتك وكلامك واختيار مفردات أقل حدة وقصة عقار او تجهز وترتيب وديكور جديد .. خلص كلشي بنهارك واحسم امورك حتى ماترجع قصة قديمة عم تفكر بسفر وعم يشغلك بس ضبلي ايدك على مصاريفك المالية وممكن تقبض مال او تدفع مال على احد افراد عيلتك او على عقار وعزائم عائلية ..
عاطفياً:تصرفات الشريك واهمالوا الك عم يدايقك حاول لا تاخد قرار مو مركز في لان صعب تنازل وتراجع عنو بعدين على الاقل هاليومين ليستقر الوضع هدي وامورك بخير لا تخاف .. البعض عندو اتصالات وتواصل اكتر بس خفف شك وغيرة ولافكار الي عم تراودك .. الاعزب يوم في تواصل واتصالات والقلب مغلوب ع أمرو مدري واقع بالحب ..
صحياً:صحة حدا بالعيلة بتشغلك وانت خفف عصبية وتشنجات عم تعاني منها 

السرطان


مهنياً:العشرية الاولى والثانية تغيرات وتنقلات وعزائم والثالثة امور مالية .. يوم مدعوم لتوصل وتنجح وبتخلص المهم وضروري بكير ..نجاح وتفوق وممكن امور مالية بحاجة لترتيب او عم تناقش بشي بخص المال وممكن تاجيل لسفر بعيد وقصص عقارية بتشغلك ..بعد ضهر نتقلات قصيرة وناس جديدة واتصال منيح وشي بخص الدراسة بس أنتبه من الحوادث والأعطال وسهرة وعزيمة عندك ..
عاطفياً:بنهارك روق وطول بالك ولا تكبر الامور ولو صار شوية عراقيل او تأجيل خليك دبلوماسي مع الشريك وأجل كلشي للعصر .. بعد ضهر كلشي بكون منيح وفي شي مهم وخبر حلو وفرصة اتصالات طويلة او لقاء وقديم عم يخطر ع بالك واحتمال يكون في تواصل هاليومين .. والاعزب جهز حالك لصدفة حلوة ..
صحياً:استغل الاجواء الحلوة بيومك والعزائم لتغير شوي من نفسيتك وتكون مع ناس بتحبن 

الأسد


مهنياً:العشرية الاولى والثانية قصص مالية والثالثة وضعك افضل .. عم تزيد شعبيتك وجاذبيتك وطاقتك عم ترتفع وثقة بترجعلك من جديد طاقتك ايجابية وعندك مشوار وتسوق وخطوة نوعية بوضعك ورفقات بيومك .. بعد ضهر عندك مصاريف مالية او بدك تجيب شي او عملية شرائية فترة مالية بين قبض ودفع وبدك تحسب شو الك وشو عليك ونقاش بقصة مالية وعزيمة ..
عاطفياً:تواصل واتصالات والاجواء افضل .. أستغل نهارك لتحسن امورك مع الشريك وفي اتفاق معو على شي لا توجع راسك بقصص مو وقتها وحافظ على كلماتك وشو بتحكي اليوم .. رغم الفتور والبرودة بالعلاقة وانشغال الشريك عنك لبعض الوقت لهيك حاول تغير الاجواء ولا تخلي شي يأثر عليك وعلى علاقتك .. حتى البعض في قصص مالية او عائلية مع الشريك بتشغلك ساعدو وقف معو ولا تزيدها عليه ..
صحياً:امورك بتكون بخير شرط توقف تفكير وتبعد عن الضغوط النفسية حتى ماتتعرض لوعكة وشفاء من كريب وتحسن

العذراء


مهنياً:العشرية الاولى والثانية تغيرات شخصية والثالثة
علاقات اجتماعية .. شغل ومسؤوليات وتنقلات حاول تنتبه من سوء تفاهم بنهارك .. قصة بتشغلك بتخليك مو ع بعضك وعم تكون مضغوط ومسؤوليات بنهارك حاول تهدي .. بعد ضهر عم تطلع من حالتك تدريجي وبخف ضغط عليك عم تكون متفهم ومنفتح وفي تواصل ولمة وعزيمة.. طاقتك بترجعلك لتنفذ رغباتك وافكارك .. تطور مهني مالي وامورك افضل ..
عاطفياً:بعدك هادي وعم تستوعب الشريك وتصرفاتو وماحابب تعكر مزاجك .. من الايام الحلوة وبلاخص المسا لتطور علاقتك وتتلقى اخبار منيحة وممكن يصير اعجاب عند البعض او يدخل بأرتباط واوقات حلوة بتقضيا بأتصالات او لقاء مع الشريك وممكن مع شخص قديم وتواصل على مواقع التواصل الاجتماعي مع الجنس الاخر ..
صحياً:عليك أختيار الوسادة المريحة حتى ما تتسب لنفسك بمشاكل الرقبة انتبه على نومتك اليوم

الميزان


مهنياً:العشرية الاولى والثاني علاقات اجتماعية وشخص مهم والثالثة اصدقاء ومال واستفادة من شخص .. خلص شغلك بنهارك ولا تأجل الحظ بساعدك وبيعطيك طاقة لتبادر وتقنع بوجهة نظرك وباي شي بدك ياه لقاءات وعزيمة وناس جديدة ومشغول بأحد افراد عيلتك .. أنتبه بعد ضهر لاي طارئ ولا تاخد بوعود البعض لان ممكن يخذلوك وسوء تفاهم مع صديق او مقرب .. ضغط ومسؤوليات عليك لهيك أنتبه لعلاقاتك بشكل عام ..
عاطفياً:تواصل بنهارك واتصال وعلاقات حميمية وبعد ضهر قصة بتشغلك بعلاقتك وامر طارئة بوضعك العاطفي لا تعتب على حدا مابيستاهلك بلاخص اذا لاهتمام معدوم ومافي تحسن واذا بدك ترتبط لاقي حدا يفهم عليك .. بنصحك تبعد عن علاقات مامنها نتيجة وعم تعبك نفسياً ومافيها اهتمام ..
صحياً:اوقي نفسك مشاكل العدوى مضغوط ومتوتر نفسياً بالبيت ومع اهلك ونشالله تحسن صحي ببلش من المسا 

العقرب


مهنياً:العشرية الاولى والثانية امورك افضل عاطفة واصدقاء والثالثة هدي بوضعك وبعلاقاتك بالبيت ومع زملاء وحافظ ع سمعتك ..بنهارك الوضع متوتر ولا تتصرف بتسرع وانتبه لردود افعالك بالبيت وبالشغل .. بعد ضهر طاقة بترجعلك حركة واتصالات وتواصل ولقاءات عم تجهز ألها .. محادثات بتجيب نتيجة وشعبيتك بتزيد وعم تتحرر من القيود وممكن تنقل قصير واذا عندك شغل حاول تخلصو يوم في ناس جديدة وبتشوف اصدقاء ولمة او سهرة والبعض عم يقدم مساعد وسفر هاليومين للبعض..
عاطفياً:عين وحسد والخطوة الاخيرة ماعم تكمل .. عندك اعجاب واهتمام وعم تحاول تقنع وعم تبذل جهد بلاخص المرتبط في اتفاق وشي مهم ناطرك اذا عم تفكر بلقاء وتواصل وعلاقة عم تكبر .. بعد ضهر امورك منيحة وتطور ايجابي بعلاقت أرتباط اذا أعزب وعم تطلع من حالة الركود العاطفي تدريجي بلاخص اذا عندك لقاء بكون حلو ومميز .. والبعض في مغامرة عاطفية وتواصل وعلاقات سرية ..
صحياً:مو ناقصك تعب صحي انتبه من وعكة صحية الك او لمقرب منك ولا تتأخر بتناول الادوية

القوس


مهنياً:العشرية الأولى شغل علاقات اجتماعية والثانية قصص بوظيفتك وهدي مع الزملاء والثالثة تنقلات واتصال مهم وعزائم .. خلص شغلك بكير ولا تتاخر او تأجل شي الحظ بكون داعم بنهارك اتصالات وتواصل وسفر قصير وبتلاقي انفراج بعض شي وممكن يستجد شي بشغلك او امر طارئ بعد ضهر عم تفكر بشغلك او وظيفتك او تسوية لامر ما .. كون دبلوماسي وهادي بعلاقاتك بالمسؤولين والمدراء ولا تخلي لامور تكبر وأحتويها فوراً ولا تخالف القوانين وتهرب او تغيب عن دوامك .. كون حريص على سمعتك وانتبه لحكي بضهرك ..
عاطفياً:المرتبط والاعزب خطوة جديدة ومهمة وتواصل واتصال عم تبني عليه امال ومستقبل وممكن سفر ومشوار مع الشريك .. تغيرات بتطرأ على وضعك محتاجة شوية تنازل وهدوء بالمعاملة واعادة النظر ببعض القراراتك كون متحفظ ودبلوماسي نصيحة احسن ماتوصل لطريق مسدود وبلاخص بعض المتزوجين …
صحياً:تحسن صحي نفسي بيومك وهاشي بيعتمد على تحسن الاوضاع من حولك ..

الجدي


مهنياً:العشرية الاولى طاقة وحظ والثانية لقاءات وتواصل وتنقلات والثالثة امور مالية .. بتشغلك امور مالية بنهارك وممكن في قبض ودفع على مستلزمات وعم تسدد بعض ضرائب وبتقبض حوالة .. بعد ضهر امورك افضل بالحظ وطاقة وناس غريبة وجديدة واتصالات بعيدة وموضوع سفر او اختبار عم تجهز وشي بخص دراسات والاطفال .. قصة عقار بيشغلك او موضوع بخص سيارة وحركة بيع وشراء واتفاق .. امورك بتبلش تتحسن وعم تستقطب ناس حولك ولمة حلوة وعزيمة..
عاطفياً:اتصالات ومواعيد وحكي بدك تحكي كتير لهيك الكلام الي مامنو فائدة بلاه وحاول ترطب الامور اكتر مع الشريك .. من الايام المميزة عندك لتكون منيح بعاطفتك وحبك وممكن ارتباط جديد او اعجاب مبدئي والوضع الى تحسن .. لاعزب اتصالات كتيرة ومنها قديمة او حب عم يكبر وتطورات عاطفية وأحسم العلاقات الي مامنها نتيجة .. والبعض عم يفكر بلقاء الفترة مناسبة لذلك او سفر للقاء شريك ..
صحياً:تراكم الاعمال وناس عم تسبب ضغط عليك انتبه من ضجة وتعب نفسي وخفف تدخين في مشاكل بالبلعوم وصعوبة بتناول طعام 

الدلو


مهنياً:العشرية الاول والثانية يوم مالي والثالثة بتشغلك شراكات .. بعدك عم تعاني من قصص شراكات سواء المهنية او العاطفية ومخلفاتها .. عم تعود قصة ع الواجهة وبحاجة لتركيز بدك تروق وتهدي لتعرف كيف تتصرف وأنتبه لعلاقاتك لانو في امور لازمها حل .. بعد ضهر امور مالية عم تشغلك وتطورات بعد تعب وعم تتخلص من هموم ومشاكل تعبتك لفترة يوم مساعد في مصالحات واتصالات وقصص مالية ومصاريف وديون وخبر بخص المال وقبض او حوالة قادمة هاليومين ..
عاطفياً:الحب والخطوة الاخيرة بعدك ناطر هالخطوة الي ماعم تكمل معك وكنت كتير قريب منا بس الحظ بعدو عم يوقف بوجهك فلكياً مابتظبط معك لبعد منتصف هذا شهر تقريباً .. انت كتير محتاج لحلول لتطلع من وضعك ولشريك يفهمك .. مابنصحك تخلي حدا يدخل بوضعك وحل الامور مع الشريك .. لا تيأس ولا تستسلم وكلشي بوقتو حلو .. لمسا انت افضل واتصالات وتواصل وتغيرات عاطفية بوضعك وبلاخص للمرتبط جديد والاعزب.
صحياً:خفف عصبيتك او اذا حدا عم يستفزك وتحسن صحي نفسي من المسا

الحوت


مهنياً:العشرية الاولى والثانية شراكات مهنية عاطفية والثالثة مال وصحة ..عم تعاني ضغط والمسؤوليات وعم تشتكي من ردة فعل البعض وزملاء العمل والمقربين لا تعب حالك بنهارك الحظ مو معك في حكي واحتجاج ومتزمر من الوضع والحمل عليك .. حاول تكون هادي ببيتك وشغلك ولا تكبر القصص ونتبه ثقتك بمين عم تحطها .. بعد ضهر بتبلش شي جديد وعندك فرصة لتغير جو او عزيمة وعلاقات بتكتر ولقاءات وممكن اتفاق او شراكة ..
عاطفياً:نهارك مانك مرتاح في اهمال وتصرفات ماعم تركب براسك شوية توترات وضغط من الشريك والناس الي حواليك .. لا تصعب الامور وتزيد توتر وكون دبلوماسي .. لا تفتح مواضيع موقتا هلق وبنصحك بعد عنا ولا تعطي اهتمام للقيل والقال غيمة سودة وبتمر وبكلمتين حلوين بتحلها وبتكسب الشريك لصفك .. خفف غيرة وشكوك لان الوضع بعد ضهر في توتر بالشراكة العاطفية بلاخص المتزوج .. الاعزب يومك افضل لتدخل شراكة جديدة وتواصل حميمي ..
صحياً:صعوبة بتناول طعام ومشاكل بالبلعوم والمعدة وجفاف بالفم عليك بسوائل هذا اليوم 

مقالات ذات صلة